ШАКАРПОРА

ШАКАРПОРА, як навъ харбузаи маҳаллист. Байзашакли нукборик, дароз (35—45 см), вазнаш 5—7 кг. Пусташ сахти тўр-тўр, нақшҳои зард дорад. Рангаш сабзи баланд, сершира, хуштаъму хушбўй, 8—9% қанд (7,3% сахароза) дорад. Баъди 76—80 рўзи кишт мепазад. Аз ҳар га ба ҳисоби миёна 220—280 ц ҳосил медиҳад. Дар р-нҳои вил. Ленинобод, минтақаи ҷан. шарқии Тоҷикистон (р-нҳои Восеъ, Ёвон, Данғара, Кўлоб) ва водиҳои Вахшу Ҳисор бештар мекоранд.