СЕРПЕНТИН

СЕРПЕНТИН (аз лотинӣ serpens  — мор  ранги баъзе Серпентинҳо ба пӯсти мор шабоҳат дорад). минералест аз синфи силикатҳо. Таркиби химиявиаш Mg₆ [Si₄ O₁₀] (OH)₈. Серпентин аз ҷиҳати морфологӣ ва хусусиятҳои деформатсияи панҷараи кристаллӣ ба се намуди асосӣ ҷудо мешавад: антигорит (Серпентини майдапулакчаи варақмонанд), хризотил (Серпентини маҳиннах), лизардит (Серпентини маҳиндона). Ҳамаи онҳо дар системаи моноклинӣ кристалл мебанданд. Аз сабаби гуногунии деформатмсияи панҷараи кристаллӣ структураи Серпентин низ ҳархела аст. Ин гуна дигаргунии структурӣ бо усулии рентгенографӣ ва тавассути микроскопи электронӣ муайян карда мешавад. Вобаста ба миқдор ва таносуби Ғе³+ ва Ғе²+, инчунин омехтаҳои Ni ранги Серпентин сафед, зардча, сабз, сабзи тира шуда метавонад. Сахтии Серпентин 2,5—3; зичиаш 2550 кг/м³. Серпентин минерали ҷинсофарини серпентинитҳост. Серпофит (Серпентини зич), ки массаи опалмонанду  ҷилои мумӣ дорад, ҳамчун санги резакорӣ истифода бурда мешавад.