СЕЛГАҲ

СЕЛГАҲ, деҳаест дар Совети қишлоқи Араби райони Панҷ, вилояти Қӯрғонтеппа. Территорияи  колхози «Правда». Аз деҳа то маркази Совети қишлоқ 5 км, то район 7 км; роҳаш асфалтпӯш. Аҳолиаш 2020 нафар (1965) асосан тоҷикон. Деҳа мактаби миёна, клуб, китобхона, пункти тиббӣ, шӯъбаи алоқа, боғчаи бачагон, 2 магазин ва ошхона дорад. Соҳаҳои асосии хоҷагӣ пахтаю обчакорӣ, чорводорӣ ва кирмакдорист. Заминҳо аз дарёи Панҷ обёрӣ мешаванд.