САНГРЕЗА

САНГРЕЗА,1) ҷинспораҳои қиррадори андозаашон то 100 миллиметр, ки дар натиҷаи фарсоиши ҷинсҳои кӯҳӣ пайдо шуда, дар шакли тарокуми ковок ё суст сементшуда вомехӯранд.

2) Ҷинсҳои кӯҳӣ ва сангҳои сунъӣ (масалан, шлакҳои металлургӣ, хишт) -и порашуда (баъзан маҳсули фарсоиш), ки шаклашон аз порчаҳои дағар-буғур иборат буда, андозаи онҳо 5—150 миллиметр аст. Сангрезаҳоро вобаста ба хусусиятҳояшон барои тайёр кардани бетон, сохтмони роҳи оҳан, роҳҳои автомобилгард, иншоотҳои гидротехникӣ ва ғайра истифода мебаранд.