РЕНГАРТЕН Владимир Павлович

РЕНГАРТЕН Владимир Павлович (24. 7. 1882, Тошкент—10. 7. 1964. Ленинград), геолог ва палеонтологи советӣ, аъзо-корреспондент Академияи Фанҳои Союз Советских Социалистических Республик СССР (1946). Институти кӯҳкории Петербургро хатм кардааст (1908). Аз соли 1908 дар Комитети геологӣ (ҳоло институти умуми-иттифоқии тадқиқоти илмии геология), аз 1941 дар Институти илмҳои геологии Академияи Фанҳои Союз Советских Социалистических Республик СССР кор кардааст. Директори музеи геологии ба номи Феодосий Николаевич Чернышев (1947—49). Асосан дар соҳаи геологияи регионалӣ, махсусан тектоника, стратиграфия, палеонтологияи Кавказ кор кардааст. Ноҳиябандии тектоникии Кавказу Помирро муқоиса намуд. Схемаи стратиграфии таҳнишастҳои табоширии Кавказро кор карда баромад ва ба донишҳои ҳозираи оид ба стратиграфияи давраи табошири ҷануби Союз Советских Социалистических Республик СССР (Қрим, Кавказ, Копетдоғ ва ғайра) асос гузошт. Дар тадқиқоти палеонтологиаш Ренгартен ба масъалаҳои систематика, филогенез ва палеобио-географияи фаунаи давраи табошир ва қисман палеогеи диққати махсус додааст. Соли 1948 сазовори Мукофоти давлатии Союз Советских Социалистических Республик СССР гардидааст. Ӯ доран-даи ордени Ленин, ордени Байрақи Сурхи Меҳнат ва медалҳост.

Асос: дар китоби: Геология Союз Советских Социалистических Республик СССР, том 9— 10, Москва—Ленинград, 1947; Стратиграфия меловых и третичных отложений Восточного Приуралья, Москва, 1951; Стратиграфия меловых отложений Мелого Кавказа, дар китоби: Региональная стратиграфия Союз Советских Социалистических Республик СССР, том 6, Москва 1959,