Таджикистан – Энциклопедия на таджикском языке КИТОБАМ
РАЗИН Степан Тимофеевич (тақрибан 1630, станитсаи Зимовейскаяи Дон — 16. 6. 1671, Москва), роҳбари Ҷанги деҳқонон (1670— 1671) бар зидди зулми феодалӣ. Аз оилаи казаки камбағал. Соли 1663 ва баъдтар ба муборизаи отрядҳои казакон бар зидди қалмоқҳо ва тоторҳои Қриму туркҳо роҳбарӣ кард. Соли 1670 ба ҷанги зиддифеодалии деҳқонон сарварӣ намуд. Дар рафти ин ҷанг қобилияти барҷастаи ташкилотчигӣ ва истеъдоди баланди лашкаркашии Разин зоҳир гардид. Дар задухӯрди шадид бо қӯшунҳои подшоҳӣ лашкари Разин ба мағлубият дучор шуд. Разин ба Дон ақиб нишаст, вале апрели 1671 дар Кагалник казакҳои давлатмапд ӯро дастгир карда, ба ҳукуматдорони подшоҳӣ супурданд. Дар Москва ба қатл расонда шуд.
