ПУЛАКЧАПОЙҲО

ПУЛАКЧАПОЙҲО (Pygopodidae), як оилаи хазандаҳоеро гӯянд, ки ба қаторн калтакалосҳо мансу­банд. Баданашон мормонанд (дарозиашон то 80 см) буда, пойҳои пешашон суст инкишоф ёфтаанд, пойҳои ақибашон бошанд, бо пулакча пӯшида шудаанд ва ба болҳои шиноварӣ монанданд. Думашон хеле да­роз аст. 8 ҷинси Пулакчапойҳо, ки 30 намудро дар бар мегиранд, асосан дар Авст­ралия, Гвинеяи Нав ва ҷазираҳои гирду атрофи онҳо паҳн шудаанд. Онҳо шабона сайд мекунанд. Дар байни алафзори баланд зиндагӣ карда, ҳашарот ва дигар мавҷудоти бемӯҳраро мехӯранд.