ПОРТУГАЛИҲО

5 Показы

ПОРТУГАЛИҲО, миллат, аҳолии асосии Португалия, ки дар ҷазираҳои Мадейра ва Азор зиндагӣ мекунанд (бештар аз 99% аҳолии мамлакат).

Шумораашон 11920 ҳазор наф (1978), аз ҷумла дар Португалия 9 млн; боқимондаашон дар Америка (бештар дар ШМА ва Бразилия), Африка (Ангола, Мозамбик, Гвинея-Бисау, Сан-Томе, Принсини), баъзе ноҳияҳои Осиё [Аомын (Макао), Тимор] ва як қатор давлатҳои Европа зиндагӣ мекунанд. Бо забони португалӣ гап мезананд. Аксарияти диндорон католиканд. Дар ташаккули Португалиҳо қабилаҳои лузитан иштирок намудаанд. Дар асри 2 то мелод—асри 4 мелодӣ қисми зиёди онҳо романӣ кунонида шуданд. Ба Португалия свевҳо ва вестготҳо (асрҳои 5—8), дар қисми ҷанубии Португалия бошад, арабҳо (асри 8— нимаи якуми асри 12) таъсири калони этникӣ расониданд. Дар миёнаи асри 12 дар территорияи Португалия давлати мустақид таъсис ёфт, ки он ба оғози ташаккули халқияти Португалия мусоидат намуд. Ҳукмронии Испания (1591—1640) тобеияти -иқтисодию сиёсии Португалия ба Британияи Кабири асрҳои 18—19 садди рохи инкишофи капиталистӣ ва ташаккули миллати Португалия гардид. Дар давраи кашфиётҳои бузурги географӣ Португалия дар Америкаи Ҷанубӣ, Африка, Осиё паҳн шуданд. Дар Америкаи Ҷанубӣ Португалия дар ташаккули миллати бразилиҳо роли калон бозиданд. Ниг. низ Португалия.

Ад: Народы эарубежной Европы, ч. 2,

М., 1965.