Пайкар, строма (аз юнони stroma— фарш), 1) такягоқ, асос, бун (ё меҳвар) -и узви организми ҳайвонот, ки аз бофтаи номукаммали пайвасткунанда иборат буда, дар он қисмҳои хоси узвҳо ҷон доранд.
Пайкар инчунин хуҷайраҳои қобили афзоиш ва рӯпӯши нах-нах дорад, ки ба такягоҳ будани он имкон фароҳам меоварад. 2) Асоси сафедаи эритроситҳо. 3) Узви спораовар 6 конидияовари аксари занбӯруғҳои халтадор ва номукаммал. 4) Асоси сафедаи пластидии обсабзҳо ва растаниҳои дараҷаи олӣ, ки дар он системаи ботартиби мембранаҳо ҷойгир шудааст.