Отаҷалол Носир

Отаҷалол Носир (1845, Бухо­ро—1928, Самарканд), сароянда, навозанда ва бастакори тоҷик. Отаҷалол мусиқиро аввал аз модараш омӯхтааст. Сипас аз падараш, ки сароянда буд, роҳу усулҳои «Шашмақом»-ро ёд гирифт. Дар дарбори амир Музаффар (Шаҳрисабз), амир Абдулаҳад (Кармина, ҳоло Навоӣ), амир Олимхон( Бухоро )басарояндагон ва на­возандагон сарварӣ кардааст. Отаҷалол солҳои  1920-27 дар Мактаб мусиқии Бухоро, 1928 дар институти мусиқӣ ва хореографияи Самарқанд (аз мусиқӣ) дарс додааст.

Насру мушкилоти «Шашмақом»-ро мукаммал аз худ карда, мақомҳои Бухороро ба қолаб даровардааст. Соли 1923 В. А. Успенс­кий насру мушкилоти «Шашма- қом»-и Бухороро дар иҷрии Отаҷалол ва Отағиёс Абдулғанӣ ба нота навиш­та гирифта, соли 1924 дар Москва нашр кард. Отаҷалол ба «Сегоҳ» ва дигар шуъбаҳои «Шашмақом» оҳангҳо бастааст (масалан, «Савти Ҷалолӣ» ва ғайра). Домулло Ха­лим Ибодов, Ҳоҷй Абдулазиз, Устод Шодй, Ш. Созывов, Б. Файзуллоев ва даҳҳо шатмақомхонони дигар шогирдони Отаҷалол буданд.