Нитроэфирҳо

Нитроэфирҳо, эфирҳои мурак­каби кислотаи нитрату спиртҳо, ки дар молекулаашон як ё якчанд гурӯҳи нитрати (—ON02) бо атоми карбон пайваст шуда доранд. Масалан, алкилнитратҳо, нитрати спиртҳои дуатома, нитратҳои глисерин, нитра­ти селлюлоза ва ғайра.  Нитроэфирҳо вобаста ба шумораи гурӯҳҳои нитратии таркибашон ба моно-, ди- ва полинитроэфирҳо чудо мешаванд. Нитроэфирҳоро дар саноат бо роҳи таъсири ҳамдигарии кислотаи нитрати консентронида ё омехтаҳои нитронанда ва спиртҳо ҳосил мекунанд.

С*Н„ОН + HNOj^tCeH, ,ON02 + Н*0. Алкилнитратҳо моддаҳои моеъ бу­да, бӯи хуш доранд; дар об ҳал намешаванд, дар спирту эфирҳо нағз ҳал мешаванд. Полинитроэфирҳо моддаҳои нисбатан ноустувор буда, ҳангоми зарба ё соиш метарканд. Баъзеи онҳо моддаҳои зӯри таркандаанд. Масалан, нитроэфири пентаэритрит (ТЭН) С(СН2ОШ2)ч ва диэтанол-N-HnTp в(ДИНА) 02N—N (CHjCHj0N02)2 ва ғайра Нитрат­ҳои селлюлоза дар истеҳсоли борут ва динамит истифода мешаванд. Нитроэфирҳо таъсири физиологӣ доранд. Нигаред низ Нитроглисерин.