Назорати конститутсионӣ дар давлатҳои хориҷӣ тафтиши му- вофиқати қонун ва дигар актҳои нормативӣ бо конститутсияи мамлакат. Назорати конститутсионӣ аз тарафи: а) ҳамаи судҳои умумии ҳуқуқи судкунидошта (масалан, дар ШМА, Аргентина, Дания, Норвегия, Янония); б) суди олӣ, ки инстансияи олии судӣ ҳисоб меёбад (масалан дар Австрия, Ҳиндустон, Боливия ва ғайра); в) судҳои махсуси конститутсионие, ки Назорати конститутсионӣ барои онҳо вазифаи асосист (масалан, дар Австрия, Италия, РФГ, Туркия, Кипр); г) органҳои махсуси ғайрисудӣ (масалан, Совети конститутсионии Франсия) мумкин аст ба амал бароварда шавад.
Қонунҳои муқаррарӣ, тағйирот ба конститутсия, шартномаҳои байналхалқӣ, регламенти палатаҳо, актҳои нормативии органҳои иҷроияи ҳокимият (дар мамлакатҳое, ки адлияи маъмурӣ надоранд) объектҳои Назорати конститутсионӣ шуда мета вонанд. Дар давлатҳои федеративӣ муайян кардани доираи ҳуқуқи байни иттифоқ ва субъекти федератсия объекти Назорати конститутсионӣ мебошад. Назорати конститутсионӣ аз рӯи мазмун расмӣ ва моддӣ мешавад. Органе, ки Назорати конститутсиониро ба амал мебарорад, ҳақ дорад тамоми қонун ё як қисми онро мухолифи конститутсия донад. Дар ин сурат нормаҳои мухолифи мазкур қувваи юридикии худро гум карда, истафодаи онҳо аз тарафи судҳо ва органҳои дигари давлатӣ қат мегардад.
Назорати конститутсионӣ дар мамлакатҳои сотсиалистӣ, пеш аз ҳама, аз тарафи органҳои давлатӣ ба амал бароварда мешавад. Ҳар як органи давлатӣ дар доираи ҳуқуқиҳои худ ба риояи конститутсия назорат мекунад. Вазифаҳои махсуси Назорати конститутсионӣ, ҳамчун воситаи қонунияти сотсиалистӣ, ба зиммаи органҳои суду прокуратура гузошта мешаванд. Дар баъзе мамлакатҳои сотсиалистӣ (Югославия, Чехословакия) судҳои махсуси конститутсионӣ ташкил дода шудаанд.