МУҲИТ (ар. — иҳотакунанда), дар биология, маҷмӯи шароитҳои ғайриорганикӣ (абиотӣ) ва органикии (биотин) зисти ҳайвонот, растаниҳо, микроорганизмҳои гуногун. Шароитҳои абнотӣ аз омилҳои химиявӣ (таркиби ҳаво, об, хок ва ғайра), физикӣ ё иқлимӣ (ҳарорат, фишори барометрӣ, ҷараён, заминаи радиатсионӣ ва ғайра) иборатанд. Омилҳол биотӣ маҷмӯи таъсироте мебошанд, ки организмҳои дигар ба организмҳои тадқиқшаванда (растанӣ, ҳайвон) ва ғайра мерасонанд. Чунончи, организмҳои ғайр барои объекти тадқиқшаванда манбаи ғизо, муҳити зист (масалан, организме, ки дар он паразитҳо ҷон гирифтаанд), воситаи афзоиш (гардолудшавии растаниҳо бо ёрии ҳашарот) ва паҳншавӣ шуда метавонанд. Ҳамин тариқ омилҳои биотии Муҳит дар шакли таъсири мутанобили организмҳои як биотсеноз зоҳир мегарданд.