МИЛЛЬ (Mill) Ҷон Стюарт (20. 5. 1806, Лондон — 8. 5. 1873, Алипьон), файласуф, позитивист, иқтисодчӣ ва ходими ҷамъиятии аиглис. Ба ҷаҳонбинии Милль иқтисоди сиёсии Д. Рикардо, таълимоти утилитарии И. Бентам, фалсафаи (Беркли, Д. Юм, О. Конт, психологияи Д. Гартли ва Ҷеймс Милль таъсир кардааст. Ба ақидаи Милль ҳамаи дониш аз таҷриба буда, предмети он эҳсоси мост. Милль ҳам материализм ва ҳам идеализмро ду ифроти «метафизикӣ» медонист. Ӯ ақида дошт, ки материя маҳз имконияти доимии эҳсосот, рӯҳ имконияти доимии идрок аст. Як қатор нуқтаҳои фалсафию мантиқии позитивизми О. Контро маъқул дониста, таълимоти иҷтимоию сиёсии ӯро инкор намудааст. Мувофиқи ақидаи Милль ашё берун аз идрок вуҷуд надорад. Инсон фақат «зуҳуроте» (эҳсос)-ро дониста метавонад, ки аз доираи он берун баромадан мумкин нест. Ӯ дар асари «Системаи мантиқ» дедукцияро ҳамчун методи донистани донишҳои нав рад ва роли индукцияро ба таври метафизикӣ муболиға намуда, методи тадқиқи индуктивии аломҳои сабабиро баён кардааст. Милль дар соҳаи ахлоқ («Утилитарнанизм, 1863) ба И. Бентам пайравӣ карда, ҳис ва принципҳои ахлоқиро аз таҷриба медонист. Дар соҳаи иқтисодиёт («Асосҳои иқтисоди сиёсӣ ва баъзе иловаҳо ба фалсафаи иҷтимоӣ») ба ҷои назарияи арзиши меҳнати Д. Рикардо назарияи вулгарии ҳарчи истеҳсолотро пешниҳод намуд ва тарафдори мальтусгарӣ буд. Милль аз рӯи ақидаҳои иҷтимоию сиёсии худ либерали буржуазист.
Tags Шахсони машҳур
Инчунин кобед
САХАРИМЕТРИЯ
САХАРИМЕТРИЯ (аз русӣ сахар —қанд ва …метрия), усулест, ки ба воситаи он ғилзати маҳлули моддаҳои …