МЕКСИКОИЗД (худ мехикано гӯянд), миллат, аҳолии асосии Мексика. Шумораашон 55950 ҳазор нафар (1978). Инчунин қариб 4 млн дар штатҳои ҷан. ғарби ШМА зиндагӣ мекунанд. Забони Мексика испанист. Муътақидони дин католиканд. Миллати Мексикой дар натиҷаи омезиши испаниҳои истилогар (аз а. 16) ва муҳоҷир бо аҳолии маҳаллӣ — ацтекҳо, майя, отомиҳо, миштекҳо, сапотекҳо ва ғ., инчунин бо ғуломони зангие, ки аз Африка оварда мешуданд, ташаккул ёфтааст. Доир ба таърих, хоҷагӣ ва маданияти Мексика ниг. Мексика.