Манораи Конибодом

МАНОРАИ КОНИБОДОМ – ин ёдгории меъмории охири асри 19 ва аввали асри 20. Дар маркази шаҳр воқеъ аст. Баландин ҳозираи Манораи Конибодом— 15 м. Диаметри асосаш — 4,2 м. Пойдевораш пасти бисёртарка. Дар дохилаш зинапояи морпеч дорад, ки онро даричҳо равшан мекунанд. Рӯи манораро нақшҳои фаровони ҳандасӣ, ки аз хиштҳои суфта чида шудаанд, зинат медиҳанд.

Манораи Конибодом бо усули манорасозии асрҳои 12 бунёд гардида, аз истеъдоди баланди устоҳои тоҷик, ки анъанаҳои меъмории классикиро моҳирона истифода бурдаанд, шаҳодат медиҳад. Ёдгорӣ дар муҳофизати давлат аст.