МАДАЧ ИМРЕ – Madach Imre (21.1.1823, Алыпострегова — 4.10.1864, ҳамон ҷо), шоир ва драматурги венгер. Аз оилаи дворянӣ. Маҷмӯаи, аввалини шеърҳояш—«Гулҳои лира» (1840). Револютсияи солҳои 1848—49-ро бо хушнудӣ пешвоз гирифт (силсилаи шеърҳои «Манзараҳои лагер»). Дар драмаи ҳаҷвии «Мутамаддин» (I860) ситамгарони австриягиро масхара кардааст.
Ба ақидаи Мадач, ғояи зиндагӣ мубориза аст ва ин ақидаи ӯ дар драмаи манзуми фалсафии «Фоҷиаи инсон» (1861) ифода ёфтааст. Дар драмаи «Мӯсо» (1861) Мадач халқро ба ҳифзи озодии миллӣ даъват кардааст.