ЛОТ (аз голл. lood), асбоб барои аз болои киштӣ чен кардани умқи об. Локҳои дастӣ, механикӣ ва гидроакустикӣ мавҷуданд. Локи дастӣ порсанги сурбӣ ё чуянии (массааш 3,5—5 кг) конус (пирамида)-шаклест, ки ба нӯгаш симтаноб (лотлинь) баста шудааст (симтанобро ба метрҳо тақсим мекунанд). Бо ёрии он умқи баҳрро то 50 м чен кардан мумкин аст (ҳангоми аз 5— 9 км/с беш набудани суръати киштӣ).
Кори Локи механикӣ ба чен кардани фишори гидростатикӣ дар найчае, ки як нӯгаш маҳкаму нӯги кушодаш ба об ғӯтонида шудааст, асос мекунад. Бо ёрии он умқи баҳрро аз 10 то 200 м (аз болои киштие, ки суръаташ аз 28 км/с беш нест) чен кардан мумкин аст. Умқҳон аз ин зиёдаро бо ёрии Локи гидроакустикӣ чен мекунанд. Ниг. Эхолот.