Ҷазираи СИСИЛИЯ

СИСИЛИЯ , калонтарин ҷазираест дар баҳри Миёназамин, дар ҳайати Италия. Масоҳаташ 25,7 ҳазор км². Дар ҷануби нимҷазираи Апеннин воқеъ гашта, аз он ба воситаи гул. Мессина (ҷои камбараш 3,5 км) ҷудо шудааст. Релефи Сисилия асосан аз кӯҳу теппаҳо иборат аст. Дар қисми шарқии ҷазира вулқони калонтарини Европа — Этна (3340 м) ҷой гирифтааст. Як қатор вулқонҳои хомӯшшуда низ мавҷуданд. Дар соҳилҳои шарқӣ ва ғарбиаш ҳамвориҳои хурд дида мешаванд. Серзилзила. Конҳои сулфур, нефт, газ ва ғайра дорад.

Растаниҳои ситрусӣ, зайтуязнзорҳо ва токзорҳо мавҷуданд. Шаҳрҳои калониаш: Палермо, Мессина, Каталия.