ФЕНОЛОГИЯ

ФЕНОЛОГИЯ (аз юнонӣ phinomena — зоҳиршавӣ ва …логия), илмест оид ба ҳодисаҳои мавсимии табиати зинда. Вобаста ба дигар шудани фаслҳои сол ва шароитҳои обу ҳаво тағйир ёфтани олами наботот ва ҳайвонотро меомӯзад.

Ба он мӯҳлати гул кардан, барг баровардан, пухтани меваю тухми наботот, аз хоби мавсимӣ бедор шудани ҳайвонот, давраи ҷуфтшавӣ, кӯчи баҳорию тирамоҳии парраидаҳо ва ғайра мансубанд.