ЭВОЛЮЦИЯ, таҳаввул, дар биология, инкшпофи таърихии барнагардандаи табиати зиндаро гуянд. Э. дар тағйирёбӣ, ирсият ва интихоби табии организмҳо акс меёбад. Э. организмҳоро ба шароити зиндагӣ мувофиқ карда, сабабгори таҳаввулоти генетикӣ, пайдоиш ва нақши намудҳо, азнавсозии биогеоценозҳо ва умуман биосфера мегардад. Истилоҳи «Э.»-ро бори нахуст дар биология философ ва табиатшиноси швейцарӣ Ш. Бонне истифода бурдааст (1762).