Панҷсолаи дуюм, деҳаест дар Совети қишлоқ Тӯғалани райони Колхозобод, вилояти Қурғонтеппа. Территорияи колхози ба номи И. Ленин. Аз деҳа то маркази Совети қишлоқ ва то район 6 км; роҳ асфалтпӯш.
Аҳолиаш 1548 нафар (1983), тоҷикон. Деҳа мактаби миёна, клуб, китобхона, магазин, шӯъбаи алоқа ва фермаи говпарварӣ дорад. Соҳаҳои асосии хоҷагӣ — пахтакорӣ, чорводорӣ, кирмакдорӣ. Заминҳо аз дарёи Вахш обёрӣ мешаванд.