Таджикистан – Энциклопедия на таджикском языке КИТОБАМ
ЧКАЛОВСК, шаҳрест (аз 10 авг. 1956) дар вил. Ленинободи РСС Тоҷикистон 10 км ҷан. шарқтар аз маркази вилоят ва 3 км дуртар аз ш. Ғафуров (ст. р. о. Ленинобод) воқеъ гаштааст. Аҳолиаш 32 ҳаз. наф. (1976). Корхонаҳои бинокорӣ ва комбинати хизмати маишӣ дорад. Дар Чкаловск инчунин техникуми политехникӣ, 7 мактаби миёна, мактаби мусиқӣ, китобхона, 2 кинотеатр, театри русии драма ва мазҳака, театри лӯхтак, қасри маданият, қасри маданияти бачагон, қасри спорт ва стадион ҳаст.
