Абдуллоев Сайфиддин

Абдуллоев Сайфиддин (1908, Исфара -1983, ҳамон ҷо), Қаҳрамони Меҳнати Сотсиалистӣ (1957). Устоди пахтаи РСС Тоҷикистон (1956). Чоряккор (1924 – 1928), корманди шӯрои маҳаллӣ (1928 – 1931), таҳсил дар куресҳои олии педагогии Тошканд (1932 – 1933), котиби комитетҳои комсомолии ноҳияҳои Исфара ва Куйбишев (1933 -1937), муҳаррири рӯзномаи «Коммунисти Исфара» (1937 – 1938), муовини директор ва сардори шӯъбаи сиёсии Стансияи мошину тракторҳо (1938 – 1945), муовин ва раиси хоҷагии ба номи Ленини ноҳияи Исфара (1946 – 1965).

Аз соли 1965 нафақагири шахсӣ. Бо ордени Ленин, медалҳо ва Грамотаҳои Фахрии Президиуми Совети Олии РСС Тоҷикистон сарфароз гардидааст.