Дарёи РЕД-РИВЕР

РЕД-РИВЕР (англисӣ Ней Шуег — дарёи Сурх), дарёест дар ҷануби Штатҳои Муттаҳидаи Америка, шохоби рости дарёи Миссисипи. Тӯлаш 2050 километр, масоҳати ҳавзааш 233 ҳазор километр2. Аз пуштакӯҳи Ляно-Эстакадо сар шуда, дар миёнаоб ва поёнобаш пастии назди Мексикаро бурида мегузарад. Дар поёнобаш ба ду шоха — Олд-Ривер ва Атчафалая ҷудо мешавад, ки якумаш ба дарёи Миссисипи, дуюмаш ба халиҷи Мексика мерезад. Манбааш борон. Давран обхезии дарё охири баҳор — аввали тобистон. Сарфи об дар резишгоҳаш аз 35 метр/сония то 6600 метр/сонияя. Ҳангоми мӯътадил будани сатҳи об аз шаҳри Шривпорт киштигард аст. Дар миёнаоби дарё обанбори калони Тексома сохта шудааст. ГЭС низ дорад.