Перидерма

Перидерма (аз пери… ва юн. derma— пӯст), бофтаи рӯйпӯши поя, реша, решапоя ва бехи растаниҳои бисёрсола (баъзан яксола)-ро гӯянд. Перидерма аз пӯк (феллема), феллодерма (бофтаи дохилӣ) ва феллоген иборат аст.

Дар узвҳои растаниҳо одатан якчанд Перидерма ҳосил мешавад. Ҳар як Перидермаи нав нисбат ба Перидермаи аввала дарунтар ҷой мегирад. Перидерма узвҳои растаниро аз микроорганизмҳои гуногун, бактерияҳо, занбурӯғҳое, ки бофтаҳои растанигиро вайрон мекунанд ва аз барзиёд бухор шудани об муҳофизат менамояд.