Ориентасияи аппарати париши кайҳонӣ 1) вазъияти кунҷи муайяне, ки ба аппарати париши кайҳонӣ (АПК) нисбат ба ҷирмҳои осмонӣ, хатҳои қуввагии майдонҳои магнитию гравитасионӣ ё … дигар самтҳои аниқи фазо дода мешавад. Вобаста ба таъиноти АПК ориентасияи он гуногун аст: дар вақти тадқиқоти астрономии Офтоб, Моҳ ё ситораҳо аз борти АПК онро ба ҳамин ҷисмҳои осмонӣ ориентасия бояд кард; радифи маснӯи Замин.
(РМЗ), ки барои алоқа пешбинӣ шудаасту антеннаҳои самтнок дорад, бо антеннаҳояш ба пунктҳои алоқаи заминӣ ориентиронида мешавад; АПК-и бо батареяҳои офтобӣ ҷиҳо- зонидашуда бо сатҳҳои кории батареяҳояш ба Офтоб ориентиронида’ мешавад ва ғайра. Ҳангоми наздикшавии ду АПК баъзан ориентасияи тарафайни онҳо лозим мешавад. 2) Идора кардани ҳаракати кунҷии АПК дар қитъаҳои парвози озод, яъне ба меҳварҳои он додани вазъияти муайян нисбат ба самтҳои матлуб.
Системами ин вазифаро Иҷрокунанда (системаҳои Ориентасия) дар шароите кор мекунанд, ки моментҳои ангезандаи ба АПК таъсиркунанда ба қиматҳои хурд соҳибанд. Ин бошад дар системаҳои номбурда истифода бурдани як қатор принсипу олотеро имконпазир месозад, ки онҳоро дар дигар системами идоракунии АПК татбиқ кардан номумкин аст. Нигаред низ Идораи ҳаракат