ЦЕНТРИЗМ

ЦЕНТРИЗМ, ҷараёни идеявӣ-сиёсӣ, ки дар рафти муборизаи байни равияҳои реформистӣ ва революционӣ дар давраи Интернационали 2-юм ба вуҷуд омада буд. Центризм мекушид, ки зиддиятҳои оштинопазири байни реформистон ва революционерон бо роҳи гузашткуниҳо ба оппортунизм дар масъалаҳои асоситарини программавӣ ва тактикаи ҳаракати коргарӣ бартараф намояд. Фарқи центристҳо аз оппортунистони ошкоро ин буд, ки онҳо оппортунизми худро бо ибораи марксистии «ортодоксалӣ» рупўш мекарданд. Ҷараёни асосии Центризм дар арсаи байналхалқӣ каутскичигӣ ва дар Россия троцкизм буд.