АБУЛФУТӮҲИ РОЗӢ

АБУЛФУТӮҲИ РОЗӢ Ҳусайн иб­ни Аҳмади Нишопурӣ мулаққаб ба Ҷамолуддин (соли таваллуд ва вафот номаъ­лум), яке аз намояндагони машҳури фалсафаи калом ва муфассири маш­ҳури асри 10. Авлодаш аслан сокини шаҳри Рай буда, баъдан ба Нишопур муҳоҷират кардааст. Асару тафсирҳои бисёре дорад. Бино ба маълумоти сарчашмаҳо тафсирҳои машҳури Абулфутӯҳи Розӣ «Рӯҳ-ул-ҷинон» ва «Шиҳоб-ул-ахбор» мебошанд.

Дар тафсирҳояш бисёр масъалаҳоро аз нуқтаи назари фал­сафаи калом шарҳ додааст. Фахруддини Розӣ дар «Тафсири кабир»-и худ аз асарҳои Абулфутӯҳи Розӣ  истифода карда- аст. Ду ҷилди тафсири Абулфутӯҳи Розӣ  дар замони Музаффар – шоҳи Қоҷор ва се ҷилди дигараш дар аҳди Ризошоҳи Паҳдавӣ дар Эрон ба табъ расидаанд.