ШИҲОБИ ТУРШЕЗӢ

ШИҲОБИ ТУРШЕЗӢ (1754—1800), шоири эронӣ. Дар Ҳирот умр ба cap бурдааст. Ш. Т. ба ғайр аз девони ашъор (таълифаш 1791, дар ҳудуди 10 ҳаз. байт) маснавиҳои «Баҳромнома» (дар ҷавоби «Ҳафт пайкар»-и Низомии Ганҷавӣ), «Юсуф ва Зулайхо», «Хусрав ва Ширин», «Иқди гуҳар», «Муроднома» дорад. Тазкираи манзуми «Тазкират-уш-шуаро» ва «Мулҳиднома»-ро низ ба у нисбат медиҳанд. Дастнависҳои осори Ш. Т. дар китобхонаҳои Музеи Британия (Лондон), Эрону Афғонистон маҳфузанд.

С.Асадуллоев