ТУЛАКИ НОЙИ САМАРҚАНДӢ (соли таваллуд ва вафот номаълум), оҳангсоз, машшоқ ва ҳофизи асри 17 тоҷик. Дар маҳалли Мӯлиёни Самарқанд таваллуд шудаасг. Тулаки Нойи Самарқандӣ илмҳои бадеъ, фалсафа, ахлоқ ва риёзиётро омӯхта буд ва мусиқиро дӯст медошт. Вай найнавози моҳири замонаш буд. «Савти Ноӣ», «Амали Тулак», «Нақши Нои» таснифоти машҳури ӯст, ки ба устодаш Амир Алиакбари Қонунии Самарқандӣ бахшидааст. А. Раҷабов.