ТЕХНИКАИ БАСОМАДҲОИ ФАВҚУЛАЗИМ

ТЕХНИКАИ БАСОМАДҲОИ ФАВҚУЛАЗИМ, техникаи БАФ, як соҳаи илму техникаро гӯянд, ки хусусиятҳои лаппиш ва мавҷҳои электромагнитиро дар диапазони басомадҳои аз 300 МГц то 300 Гц меомӯзад ва истифода мебарад. Олот ва системаҳои Техникаи басомадҳои фавқулазим (шуоӣ, ирсолӣ, қабули, ченкунӣ ва ғайра)-ро вобаста ба навъи масъалаҳои ҳалшаванда ва соҳаҳои истифода ба ахборӣ (радиоалоқа, телевизион, радиолокасия, радионавигасия, радиоидора, диагностикаи техники, техникаи ҳисоб ва ғайра) ва энергетикӣ (технологияи саноати, асбобҳои рӯзгор, таҷҳизоти тиббӣ, биологӣ, химиявӣ, ирсоли энергия ва ғайра) ҷудо мекунанд. Дар аксар тадқиқоти илмии радиоспектроскопия, физикаи ҷисми сахт, физикаи ядро, радиоастрономия ва ғайра олат ва системаҳои Техникаи басомадҳои фавқулазимро васеъ истифода мебаранд.
Назарияи майдони электромагнитии БАФ ба қонунҳои умумии электродинамика асос ёфтааст.