ТЕРМОФОСФАТҲО

ТЕРМОФОСФАТҲО, як навъ нурии минералиро гӯянд, ки 18—34% Р2О5 дорад. Хокаи вазнини хокистарранг аст. Аз рӯи хусусиятҳои физикию химиявӣ ба томасшлак монандӣ дорад. Онро ҳангоми дар трубопечҳо гудохтани (1000— 13000С) фосфатҳои табиӣ (фосфоритҳо ё опатитҳо) бо иловаи намакҳои ишқорӣ (сода, ишқор, сулфатҳои натрий, калий ё магний), силикатҳои ишқории табиӣ (фонолит, лейцит) ё дажғоли металлҳо ва оҳаксанг ҳосил мекунанд. Гудохтаи онҳоро хунук ва майда менамоянд. Термофосфатҳо аз намакҳои дучандаи калцию натрий (ЗСаО • Nа2О • Р2О5 • SiO2, калцию калий [(СаО)2 • К2О • Р2О5 • СаО –SiO2), инчунин тетрафосфатҳо, силикофосфатҳо ва фосфатҳои магний иборатанд. Термофосфатҳоро баъзан реназитҳо (аз немисӣ «ренания» — фосфат) мегӯянд. Фосфатҳои гудохтаи магнийдор ва фосфатҳои бефтор низ ба Термофосфатҳо мансубанд.
Термофосфатҳо барои ҳама гуна навъи хоку зироат мувофиқанд.