ТЕРМИТ

ТЕРМИТ аз юнонӣ ( гармӣ), омехтаи хокаи алюминий (баъзан магний)-ро бо оксиди металлҳои гуногун (асосан оҳан) гӯянд, ки хангоми сӯзиш гармии зиёд (беш аз 2000°С) хориҷ мекунад. Термити оҳану алюминий бештар маъмул аст. Термити мазкурро барои кафшери релсҳо, рехтани деталҳои калон истифода мебаранд. Ҳарорати алангагирии чунин Термит то 1300°С мерасад (ҳарор, омехтаи оташдиҳанда 800°С)  оҳан ва дажғолҳое, ки ҳосил мешаванд, то 2400°С гарм мешаванд. Термитҳое низ мавҷуданд, ки барои кафшери симҳои телефону телеграф истифода мешаванд. Дар техникаи ҳарбӣ Термитро чун моддаҳои даргиронанда кор мефармоянд.