ТАДОХУЛИ ДИЭЛЕКТРӢ

ТАДОХУЛИ ДИЭЛЕКТРӢ, бузургии физикиест, ки хосиятҳои диалектрии муҳит, яъне реаксияи муҳитро ба таъсири майдони электрӣ ифода мекунад. Дар ифодаи D = Е (Е — шиддатнокии майдони электри, D — индукcияи электрии муҳит). Тадохули диэлктри коеффисианти мутаносибист ( ). Тадохули диэлктри аксар диэлектриҳо дар мавриди на он қадар пурқувват будани майдон ба шиддатнокии электрии майдон Е вобаста нест. Дар майдонҳои электрии пурқувват, дар баъзе диэлектрикҳо (масалан сегнетоэлектрикҳо) бошад, дар майдонҳои муқаррарӣ ҳам вобастагии D ба Е ғайрихаттист. Бузургии тадохули диалектрӣ ба навъи модда ва шароити беруна (ҳарорат, фишор ва ҒАЙРА) сахт вобаста аст. Дар майдонҳои электрии тағйирёбанда тадохули диалектрӣ ба басомади майдон вобаста аст.