Деҳаи СУРХ

СУРХ, деҳаест дар ноҳияи Исфараи вилояти Ленинобод, маркази Совети қишлоқи Сурх. Дар ҳудуди колхози «Комунизм». Аз Сурх то маркази район 18 км; роҳаш асфалтпӯш. Аҳолиаш 4540 нафар (1966). Деҳа мактабҳои миёна ва 8-сола, 2 китобхона, пункти тиббӣ, дорухона, таваллудхонаи байниколхозӣ, шӯъбаи алоқа, кассаи амонатӣ, 5 магазин, нуқтаҳои хизматрасонӣ (сехҳои бинокорӣ, пахтатозакунӣ, либос ва пойафзолдӯзӣ), осиёб, 3 чойхона ва пункти мевақабулкунӣ дорад. Соҳаҳои асосии хоҷагӣ сабзавоткорию боғдорӣ ва кирмакдорист.