СТАНСИЯИ ГИДРОЛОГӢ

СТАНСИЯИ ГИДРОЛОГӢ, 1) Иншоотест барои омухтани низоми гидрологии дарё, кӯл, баҳр, обанбор, ботлоқ ва пиряхҳо. 2) Маҳаллест дар ягон нуқтаи координатахюяш маълуми баҳр (кӯл), ки дар он аз киштӣ мушоҳидаҳои гидрологӣ — ҳолати баҳр (кӯл)ва обу ҳаво, шаффофи ва ранг, ҳарорат ва таркиби химиявии об дар чуқуриҳои гуногун, инчунин самт ва суръати ҷоришавии он бурда мешавад.

Аввалин постҳои гидрологӣ дар Тоҷикистон соли  1889 дар дарёи Зарафшон (Дупулаи назди деҳаи Ёрӣ) ва дарёи Моғиён (деҳаи Суҷина) ташкил шуда буданд.

В. Мамадалива.