СКОРОДИТ

СКОРОДИТ (аз юнонӣ skorodon— сир, саримсоқ; ин тавр номида шуданаш вобасто ба бӯест, ки Скородит ҳангоми зарб хӯрдан мебарорад), минералест аз зерсинфи арсенатҳо. Скородити дар таркибаш то 7,1 % А1₂О₃ доштаро алюмоскородит, агар аз 16% зиёд P₂ O₅ доштта бошад, фосфоскородит меноманд. Системаи кристаллбандиаш ромбӣ. Кристаллҳояш дипирамидаю призмашакл; бештар дар шакли агрегатҳои зич, хокамонанд, сферолитҳо ва друзаҳои майдакристаллӣ дучор меояд. Рангаш сабзтоб, сабзи хокистартоб, бӯр. Сахтиаш 3,5—4; зичиаш 3100—3300 кг/м³. Асосан дар зонаи оксидшавии конҳои арсенопирит ва лёллингит ҳосил мешавад; аз Скородит ва ин минералҳо марги муш мегиранд. Конҳои Скородит дар СССР (Қазоқистон. Ӯзбекистон, Забайкалия, Урал), ШМА, Бразилия ва ғайра мавҷуданд.