РАНГи мат­риса (дар математика)

РАНГ (немисӣ rang — қатор)-и мат­риса (дар математика), тартиби олитарини аз сифр фарқкунандаи минорҳои ин матрисаро гӯянд. Ранг ба калонтарин адади сатрҳо (ё сунтунҳо)-и хаттӣ новобастаи ҳамон матриса баробар мебошад. Ранг ҳангоми табдилоти матриса (иваз на мудани ҷои сатр ё сутун, ба адади ғайрисифр зарб намудани сатр ё сутун ва ҷамъ намудани сатр ё сутун) тағйир намеёбад. Системаи муодилаҳои хаттӣ танҳо дар мавриде Ҳал дорад, ки Pанги матриса аз коэффисиентҳои назди номаълумҳо тартиб додашуда ҳангоми ба он ило­ва намудани сутуни узвҳои озод бетағйир монад. Агар ин Ранг ба миқдори номаълумҳо баробар бошад, ҳаллӣ мазкур ягона аст.