ПОРТУ, Опорто (Porto, Oporto), шаҳрест дар шимоли Португалия, дар наздикии резишгоҳи дарёи Дору (Дуэро) ба уқёнуси Атлантик. Маркази маъмурии кишвари Порту ва музофоти Дору — Литорад. Баъди Лисабон дуюмин шаҳри сернуфусу мутараққии мамлакат. Аҳолиаш 310 ҳазор нафар (1972), бо атрофи шаҳр 1,3 млн. нафар Порту бандари калон, узели муҳими роҳи оҳан ва маркази савдою саноат аст. Соҳаҳои асосии саноаташ: бофандагӣ (асосан матоъҳои пахтагин), мошинсозӣ (киштисозӣ, электротехникӣ ва ғайра), винокашӣ (махсусан портвейн). Инчунин корхонаҳои саноати консерви моҳӣ, химия, шиша, коғаз, чарму пойафзол, дӯзандагӣ, заводҳои рехтагарию саноатӣ металлургияи ранга мавҷуданд. Университет (аз 1911) ва музей дорад. Дар шаҳр ёдгориҳои меъмории асрҳои 12—18 боқӣ мондаанд.
Порту дар асри 1 то мелод бунёд ёфтааст. Римиён онро Портус-Кале номида буданд (номи Португалия низ аз ҳамин ҷост).