ПОЛИАНДРИЯ

ПОЛИАНДРИЯ (аз поли… ва юн. andros — мард, шавҳар), сершӯй, шакли ниҳоят кам боқимондаи никоҳи гурӯҳӣ, ки як зан чанд шавҳар дорад. Дар асри 19 дар байни алеутҳо ва баъзе гуруҳҳои эскимосҳо қисман вуҷуд дошт; дертар дар байни баъзе гурӯҳҳои этнографии Тибету Ҳиндустон боқӣ монда буд. Шакли «бародарона» (тибетиён) ва «ғайри хешовандон»-и Полиандрия (масалан, Ҳиндустони Ҷанубӣ) аз ҳам фарқ доранд.