ПОГОНОФОРАҲО

ПОГОНОФОРАҲО (Pogonophara), як типи ҷонварони бемӯҳраи баҳриро гӯянд. Баданашон ришташакл буда, то 1 м мешавад. Погонофораҳо дар найчаҳои хитинии дароз, ки ду нӯгашон кушода аст, зиндагӣ мекунанд. Рӯда, даҳон ва мақъад надоранд. Хӯрокашон моддаҳои органикии дар об ҳалшуда (бо сатҳи бадан ва хусусан ҳассосакҳо ҷаббида мегиранд) мебошад. Погонофораҳо ҷудоҷинса будо, қариб дар ҳамаи баҳру уқёнусҳо (дар чуқурии аз То 10 км) паҳн шудаанд.

Зиёда аз 150 намудашон (аз 7 оила) маълум аст. Боқимондаҳои найчаи Погонофораҳо аз таҳнишастҳои баҳрии палеозои поён ёфт шудаанд.