Панҷа, қисми интиҳоии дасту пои одам. Панҷа даст ва пой ҳар кадом аз се қисм иборат аст: сарпанҷа, каф ва ангуштон. Скелети даст аз ду қатор устухонҳои кӯтоҳи сарпанҷа, ки З-тояшон ба банди даст пайваст мешаванд, устухонҳои кафи даст ва устухонҳои ангуштон ташкил ёфтааст. Панҷаро мушакҳои банди даст ба ҳаракат меорад.
Панҷаи пой аз 26 устухони сарпанҷаи кафи пой ва гуштон иборат буда, тавассути устухони гурзшакли сарпанҷа ба устухони соқи пой пайваст мешавад. Панҷаи пойро мушакҳои соқи пой ба ҳаракат меоранд ва шохаҳои артерияи қисми пеш ва ақиби соқи калон аз хун таъмин менамоянд. Иннерватсияи Панҷаи пой ба воситаи асабҳои соқи калон ва хурд ба амал оварда мешавад.