Озодвори Чангӣ

Озодвори Чангӣ (562, Истахр — 625, ҳамон ҷо), мутриба, мусиқидони машҳури форс- тоҷик. Чанд муддат дар дарбори Хусрави Парвиз хизмат карда, дастаи занону духтарони санъаткорро сарварӣ менамуд.

Озодвори Чангӣ асосан дар чангнавозӣ шӯҳрат пайдо карда, аз аввалин занони санъаткори касбӣ ба шумор мерафт. Бо ташаббуси ӯ дар аҳди Сосониён дастаи занону духтарони чангнавоз таъсис ёфта буд. Инчунин О. Ч. чандин таронаву оҳангҳо тасниф кардааст, ки то замони мо танҳо «Озодвор»-и ӯ омада расидааст. Фирдавсӣ, Низомӣ, Манучеҳрӣ ва дигар дар ашъори худ ҳунари ӯро васф кардаанд.