Оташдони офтобӣ

Оташдони офтобӣ, дастгоҳест барои аккумулясия ва истифода бурдани энергияи Офтоб дар пухтупаз. Унсури асосии Оташдони офтобӣ гелиоконсентра­тор (ҷамъоварандаи нури Офтоб) мебошад, ки аз як ё якчанд оина ва ё линза иборат аст. Гелиоконсентратори Оташдони офтобӣ аксаран дар шакли пара­болоид сохта мешавад. Гелиокоясентраторро ру ба самти ҳаракати зоҳирии Офтоб дошта, дастӣ идора мекунанд.

Коэффисиент амали муфиди Оташдони офтобӣ ба 55—60% мерасад. Дар СССР ҳоло аз таҷриба тадриҷан ба истифодаи Оташдони офтобӣ гузашта истодаанд. Махсусан дар республикаҳои Осиёи Миёна, ки соле беш аз 200 рӯз Оф­тоб нурпошӣ мекунад, истифодаи гелиодастгоҳҳо аз ҷумла Оташдони офтобӣ пешомадҳои калон дорад.