Окинава

Окинава, ҷазираи калонтарини талаҷазираи Рюкю дар Япония. Ҷазира- ро уқёнуси Ором ва баҳри Шарқи Хитой иҳота кардаанд. Тулаш аз Шимол Шарқ ба Ҷануби Ғарб 110 километр, масоҳат 1254 километр².

Соҳилҳои Окинава каҷу килеб буда, бо рифҳои марҷонӣ иҳота шудаанд. Қисмҳои шимоли шарқӣ ва марказии ҷазираро кӯҳҳои паст (баландиашон то 498 метр) ишғол кардаанд; территорияи боқимондааш пасту ҳамвор аст. Иқлимаш тропи­кӣ, муссонӣ. Боришоти солона то 2000 милиметр. Тобистон ва тирамоҳ зуд-зуд тӯфон мешавад.

Ҷазира қисман бо бешаҳои сернами тропикӣ ва буттаю гаравзор пӯшидааст. Дар Окинава шолӣ, батат, найшакар кишт ва растаниҳои ситрусӣ парвариш мекунанд. Шаҳри асосӣ ва бандараш — Наха. Окинава солҳои 1945—71 дар тасарруфи ШМА буд.