РИБИНСК, обанборест дар дарёҳои Волга ва Шексна, дар территорияи вилоятҳои Ярославл, Вологда ва Калинин. Ба муносибати сохта шудани гидроузели Рибинск ба вуҷуд омадааст (1941 —1947). Масоҳаташ 4580 км2, ҳаҷми об 25,4 км3; ҷои аз ҳама сербараш 60 км, чуқуриаш ба ҳисоби миёна 5,6 м. Рибинск барои танзими мавсимии ҷараёни об аҳамияти калон дорад.
Обанбор бо мақсадҳои энергетика ва нақлиёти обӣ (Он як қисми роҳи обии Волгаю Балтика аст) сохта шудааст. Аз Рибинск моҳӣ мегиранд. Дар соҳилҳои он шаҳрҳои Череповетс, Весегонск, Углич, Пошехоне-Володарск в Андропов воқеъ гаштаанд.