Носируддини Маҳнаӣ

Носируддини Маҳнаӣ Абунаср (соли таваллуд ва вафоташ номаълум), шоир ва мутафаккири асри 15 форс-тоҷик. Зодгоҳаш Маҳна. Би­но ба гуфтаи Озар, ӯ аз авлоди Абӯсаиди маҳнаӣ ва падараш Хоҷа Мӯъид аз шайхони бузурги Хуросон будааст. Худи Носируддини Маҳнаӣ шайхи машҳури Хуросон гардида, қурбони фитнаи мазҳабии шиаву суннӣ шудааст. Ӯ аз шоирони мутасаввифи замонаш буда, дар шеър гоҳе «Носирӣ» ва гоҳе «Хоҷа Абунаср» тахаллус мекардааст. Намунаи ашъораш дар тазкираву баёзҳо боқӣ мондааст.