Номинал

Номинал (лот. nominalis — номдор, аз nomen — ном), 1) арзиши нишондодашуда, ки дар коғазҳои қиматнок (аксияҳо, облигатсияҳо ва ғайра), пули коғазӣ ва танга ифода ёфтааст. Қурби коғазҳои қиматнок ба Номинал на ҳама вақт мувофиқ мешавад; 2) нархи нишоп дода шудаи мол, ки дар прейскурант ё худи мол ифода ёфта­аст; 3) Номинали китоб нархи чаканафурӯши, ки дар китоб, нота ва маҳсулоти даврагии матбаа, инчунин дар харитаҳои географӣ ва ғайра ифода ёф­тааст. Дар СССР бузургии Номинал ба ҳаҷми пашрия, нархи ҷузъи чопӣ ва ғайра вобаста аст. Маҳсулоти матбаа нар­хи ягонаи чакана дорад. Дар мамлакатҳои капиталистӣ нархи чакана барои бештар фоида бардоштан хизмат мекунад.