Навобод

Деҳаест дар Совети қишлоқи Ёваи райони Хуҷанд, вилолти Ленинобод. Территорияи колхозҳои «Роҳи Ленин» ва «40-солагии Октябр». Аз Навобод то маркааи Совети қишлоқ 13 км, то район ва стансияи роҳи оҳан Ленинобод 17 км; роҳаш асфалтпӯш. Аҳолиаш 500 нафар (1982), тоҷикон. Деҳа мак­таби 8-сола, китобхонаю клуб, пункти тиббӣ, 3 магазин ва нонвойхона дорад. Соҳаҳои асосии хоҷагӣ — пах­такорӣ, кирмакдорӣ, боғдорӣ. Заминҳо ба воситаи ст. насосии Хоҷабоқирғол обёрӣ мешаванд. Деҳа соли 1945 бунёд ёфтааст.